تجدید و احیائے دین

عرض ناشر

مولانا سید ابوالاعلیٰ مودودی صاحب کی یہ بلند پایہ تالیف فن تاریخ میں ایک سنگ میل کی حیثیت رکھتی ہے۔ ایک ایسے نازک مسئلہ کو جس وقت نظر اور محققانہ بصیرت کے ساتھ آپ نے پیش فرمایا ہے وہ آپ ہی کا حصہ ہے۔ تحریک تجدید و احیائے دین کا جیسا بے لاگ تجزیہ کیا ہےمجددین کی حقیقی عظمت جس طرح اجاگر کی ہے اور ان کے عظیم کارناموں کی اہمیت جس انداز سےواضح کی ہے وہ نہ صرف آئندہ مؤرخین کے لیے ایک صحیح بنیاد فراہم کرے گی بلکہ دین کے خادموں کے دلوں میں ایک تازہ ولولہ ایک نیا جوش اور دین کی سرفرازی کے لیے ایک نئی تڑپ اور لگن پیدا کرے گی۔

انگریزی داں طبقہ کو اس نادر تالیف سے مستفید کرنے کے لیے ہم ساتھ ہی ساتھ اس کا انگریزی ترجمه به عنوان:

"A SHORT HISTORY OF REVNALIST MOVEMENT"

بھی پیش کیا ہے۔ اس سے پہلے اس کا عربی میں ترجمہ شائع ہو چکا ہے۔

اپنے اعلیٰ طباعتی معیار کو قائم رکھتے ہوئے ہم اس کتاب کو بھی آفسٹ کی دیدہ زیب کتابت و طباعت کے ساتھ شائع کر رہے ہیں۔ ہمیں امید ہے کہ ہمارے قارئین اس پیش کش کو بھی اس گرمجوشی سے قبول فرما ئیں گے جو ہماری دیگر مطبوعات کے لیے مخصوص رہی ہے۔

۳ رمضان المبارک ۱۳۸۶ه مطابق ۶ دسمبر ۱۹۶۶ء مینجنگ ڈائرکٹر اسلامک پبلی کیشنز لمیٹڈ لاہور